Estatua de corpo enteiro á que unicamente lle falta a cabeza, vestida cunha túnica longa que lle cobre dos ombreiros aos pés, que quedan totalmente ocultos, e cicelada mediante pregaduras verticais e oblicuos que se tornan en tres pregaduras horizontais á altura do pescozo, asociados estes a carapucha ou cucullus que colga das costas e que é representada mediante un simple triángulo en relevo. Os brazos insinúanse en ambos os costados, por baixo da mesma peza, descansando as mans pola parte frontal a media altura. A man dereita repousa sobre a cintura, mentres que a esquerda sostén algún tipo de obxecto, executado mediante dúas cintas ou liñas paralelas, de interpretación complexa.

Debido ao contexto no que aparece, considerase que a finalidade funeraria sería a máis probable, aínda que non hai que descartar unha orientación cultual de carácter votivo.