Vasiño biansado globular, de perfil sinuoso, apoiado en pé realzado moldurado ao exterior e con sulco interno; bordo horizontal lixeiramente erguido. De pasta ocre pálida dura. Decoración pintada de cor vermella, tanto no corpo como nas asas. No corpo, está distribuida en dúas bandas: na superior, con xogos de triángulos reticulados, e na inferior, de trazos obícuos. Nas asas, con trazos de líñas paralelas. Técnica que non é común na tradición local lucense.

Trátase dun vaso de importación bracarense, caracterizado polas súas friábeis pastas blanquecinas, que segue a tradición das características producións pintadas do tipo Guifões, e que en Lugo teñen moi pouca difusión.