Xerra monoansada con decoración espatulada e dúas bandas pigmentadas de cor vermella. A súa pasta é ocre e fina. Posúe un pé realzado, corpo sinuoso, ampla embocadura e borde engrosado exvasado, escasamente diferenciado. A asa, aplicada sobre o bordo, presenta un perfil acodado e sección aplanada.

Trátase dunha das xerras, neste caso decoradas, que formarían parte do servizo de mesa en Lucus Augusti.