A placa, de forma rectangular, contén unha escena en baixo relevo, cunha figura humana á dereita, estante e espida, que apoia o seu brazo esquerdo sobre un escudo que descansa sobre o chan, e coa dereita suxeita unha lanza. Na esquerda un ara flanqueada por columnas sobre a que se pousa un aguia coas ás estendidas, símbolo do pai dos deuses e de Roma mesma, Xúpiter. Pode facer referencia ao capitolio da cidade ou a existencia dunha aedes Iovi.

Encaixada sobre a clave do arco da antiga Porta Nova da muralla de Lugo. A peza estivo neste lugar durante case medio século, xunto con diversos epígrafes, no seu paramento dereito, ata que se trasladou ó conxunto do Museo no ano 1955.

RODRÍGUEZ COLMENERO, A.: "Escultura en relieve y bulto redondo", en Arte Prehistórico y Romano, GALICIA-ARTE IX, Hércules Ediciones, S.A., 1993, pp. 454-455.
BALSEIRO GARCÍA, A. (ed.).: A plástica provincial romana no Museo de Lugo, Diputación Provincial de Lugo, 2011, p. 40.
RODRÍGUEZ COLMENERO, A.: Lvcvs Avgvsti. La ciudad romano-germánica del finisterre ibérico. Génesis y evolución histórica (14 a. C.-711 d. C.), Concello de Lugo, 2011, p. 109.