Estela bifronte, labrada polas dúas caras e anepígrafa. No anverso, representa unha figura togada sentada á que lle falta o torso dereito do corpo e as extremidades inferiores. No reverso está labrada en relevo bastante basto a escena da loba capitolina dando de mamar aos xemelgos. A placa onde están esculpidas ambas as escenas é de grosor irregular, parece tratarse dun exercicio de aprendizaxe con dous artífices diferentes.

Recuperada entre os cubos 59 e 60 da Muralla de Lugo, no ano 1998.

ALCORTA IRASTORZA, E. J. e RODRÍGUEZ COLMENERO, A.: “De nuevo la Muralla de Lugo cantera de monumentos funerarios”. Larouco, nº 3, 2002, pp. 226-228. 📄
BALSEIRO GARCÍA, A. (ed.): A plástica provincial romana no Museo de Lugo. Diputación Provincial de Lugo, 2011, pp. 30-31.
RODRÍGUEZ COLMENERO, A.: Lvcvs Avgvsti. La ciudad romano-germánica del finisterre ibérico. Génesis y evolución histórica (14 a. C.-711 d. C.), Concello de Lugo, 2011, p. 131.