Campaiña, denominada tintinabulum, fabricada en chapa de bronce mediante a técnica de fundición. Paredes de perfil lixeiramente curvo e, na parte superior, posúe unha argola con perforación circular para agarrala ou colgala.

As campaíñas tiñan funcións diversas e complementarias. Podían empregarse como amuleto máxico-apotropaico co fin de afastar o mal de ollo, como peza decorativa do arnés de cabalos ou como simple adorno persoal, sen esquecer outros usos no ámbito doméstico e religioso.