Boca e colo de ánfora que se caracteriza por posuír un corpo cilíndrico irregular e termina en pivote cónico case sempre oco, pero tamén pode ser sólido, cunha bola de arxila no seu interior. O colo é cilíndrico e termina en beizo en forma de collarín vertical lixeiramente exvasado.

A produción desta ánfora está testemuñada na maior parte dos centros produtores lusitanos, dispersos polos vales dos ríos Tajo e Sado. Este tipo de ánforas tamén foron reproducidas na Bética e fóra da Península. Posuía unha capacidade de 30-35 litros, e estaban relacionadas co transporte de produtos piscícolas.