Fragmento de boca e colo dunha ánfora de base plana anular de pequeno diámetro, con corpo ovoide e acabada nun beizo redondeado ou de sección triangular redondeada. Completa cunhas asas planas con acanaladuras. Pasta cerámica de cor crema claro ou rosado con desgrasante calcáreo.

Este tipo de ánforas empregábanse para transportar distintos tipos de viño. A maioría dos talleres localízanse na zona da Gallia Narbonense, pero tamén se produce noutros lugares da Gallia. A súa presencia no NO é testemuñal, xa que apenas aparece nas costas galegas.