Entre a cultural material desta época tamén son frecuentes os obxectos e útiles metálicos, relacionados coa vaixela de mesa e cociña ou co mobiliario doméstico (apliques de mobles, chaves, etc.), así como diversas ferramentas e instrumentos, ben sexan en ferro ou bronce, que nos informan das diversas actividades e oficios, tanto de carácter doméstico como artesanal ou mesmo comercial. Os obxectos de ferro relacionanse con actividades como a construción ou a agricultura. Outras actividades representadas a partir dos pequenos bronces son a medicina, cirurxía ou farmacia. En menor medida e de máis difícil adscrición, documentamos pezas relacionadas con certos rituales de culto, pesas e medidas de uso comercial ou certo tipo de armas de carácter ofensivo. A particularidade destes obxectos é que moitos deles atópanse fragmentados ou incompletos, por mor do seu estado de conservación, polo que na maioría das ocasións a súa interpretación é vaga e imprecisa.