Fragmento de base pertencente a un vaso ou pequena botella cilíndrica de vidro de cor azul escura ou azul cobalto. A base presenta un motivo decorativo en relevo, obtido mediante o soprado a molde, consistente nunha cruz patada, de brazos iguais, cos extremos dos brazos lixeiramente curvos.

O motivo da cruz patada ou visigoda é aquela cuxos brazos se estreitan ao chegar ao centro e alárganse nos extremos. O seu nome provén de que os brazos deste tipo de cruz parecen patas. Este motivo ou marca asóciase frecuentemente a símbolos paleocristiáns, o cal podería suxerir a súa pertenza a un obxecto de uso litúrxico.