Varios fragmentos dunha botella de sección cadrada, corpo prismático e bordo dobrado sobre sí. Presenta unha soa asa, con estrías ou nervaduras verticais e base lixeiramente cóncava, con decoración en relevo de estrelas de catro puntas, enmarcado nun círculo imperfecto. Vidro de cor verde azulado, realizado mediante o procedemento de soprado dentro do molde.

Este tipo de recipientes, empregados para servir líquidos, son dos máis utilizados entre mediados do século II a mediados do III d.C, e dos máis abundantes nos xacementos escavados ata a actualidade. Adoitan presentar algún motivo decorativo no fondo, que poden ser interpretados como simples elementos decorativos ou marcas do taller de procedencia.