Fragmento de máscara de terracota, con restos de engobe ou pintura avermellada en toda a superficie. Presenta buracos de suspensión, tanto laterais como superiores. Manifesta restos dun peinado na cabeza e cellas moi marcadas, así como as orellas.

Representaría a un personaxe cómico da Comedia Nova, aínda que indeterminado, debido o seu estado de fragmentación, tal vez femenino. Iso xunto cos buracos de suspensión, para axustala á cara, suxire o seu uso nas representacións teatrais. Pero as súas reducidas dimensións non parecen facelo factible, polo que tamén se pode interpretar como un elemento decorativo para ser exposto nos corredores dos peristilos (oscilla)