Cunco de corpo carenado sobre pé anular, imitación da forma Drag. 29 de TSG. Recuberta de engobe de cor vermella intensa brillante. Decoración estampada de friso continuo con motivo de grilanda, tan frecuente nos produtos orixinais gálicos.

Nas primeiras producións de fabricación local atopamos desenvolvementos formais e esquemas decorativos da cerámica de luxo romana, resoltos mediante técnicas ornamentais indíxenas. Son tipos cerámicos inspirados nas producións da T.S. Gálica. O emprego do engobe, que recubre toda a superficie destas pezas para imitar o cromatismo das orixinais, sería outra das características desta temperá produción lucense.