Pequena navalla con cachas de bronce, da cal se conserva parcialmente a folla de ferro. As cachas da navalla están decoradas cunha figura calada que representa un carro (biga) de dúas rodas, tirado por un cabalo, ao mando dun auriga. A navalla funcionaba mediante un sistema de resortes.

A navalla ou coitelo plegable, que se articula onde o mango e a folla únense e pódese encartar para facilitar o seu resgardo, non aparecen no rexistro arqueolóxico antes da época clásica. O seu uso como ferramentas e a súa facilidade para ser transportada nunha bolsa, fixeron que fose un obxecto moi necesario, aínda que son poucos os exemplos que coñecemos das mesmas. Algunha destas pequenas navallas podía ser multiusos, do mesmo xeito que a actual navalla suíza.