Coitelo de ferro, de fío curvo e afiado, e un dorso recto, con vástago para o enmangue. Non se conserva a empuñadura, xa que debeu fabricarse nalgún material perecedoiro como madeira ou óso, ou tamén podía ser de bronce ou ferro.

En canto ao seu uso, resulta difícil determinar a finalidade última, xa que podía empregarse para moi distintas actividades, desde a cociña, cerimonias relixiosas ou mesmo como instrumental cirúrxico.