Fragmento pertencente a unha das bandas decorativas do mosaico aparecido na rúa Doutor Castro que pertence á denominada Domus Oceani. É unha composición de prótomos (cabezas de animais) ou figuras enteiras de animais, como neste caso, que representa a figura dun bóvido, acompañado de guirnaldas de follas de acanto, como elementos ornamentais de bandas e orlas. A figura do bóvido está representada de corpo enteiro, en posición de parada, coa cabeza agachada e o rabo en movemento. Na súa composición ( opus vermicullatum) emprégase unha gama de vermellos, cuxas gradaciones e claroscuros resaltan a anatomía do animal.