Anverso: TI CAESAR. DIVI F AVGVSTVS.

Cabeza laureada do emperador Tiberio á dereita.

Reverso: G CELERE (arriba) / G RECTO (abaixo) / M C I (detrás do toro) / II VIR (diante do toro)

Touro parado á dereita.

No período dos emperadores Xulio-Claudio é cando a cidade de Lucus Augusti intégrase de forma plena no sistema monetario romano, xeneralizándose a utilización da moeda. Nun primeiro momento, o pago do stipendium militar sería a causa que provocaría a afluencia de grandes masas de diñeiro, traídas de fóra, á vez que se acuñarían novas pezas no propio soar lucense, como as moedas da caetra. Os centros emisores que fornecen maior número de moedas nesta época localízanse no val do Ebro: Celsa, Calagurris, Turiaso, Caesaraugusta, Graccurris, Bilbilis. Durante o reinado de Calígula producirase o peche definitivo destas cecas hispánicas.