Anverso: IMP CAES NERVAE TRAIANO AVG GER DAC PM TRP COS VI PP

Cabeza laureada do emperador Traxano á dereita, ombreiro esquerdo cuberto.

Reverso: SPQR OPTIMO. Exergo: FORVM TRAIANO SC

Arco de triunfo, hexástilo, coroado por escultura do emperador conducindo un carro de seis cabalos, flanqueado por trofeos e victorias, pertencente ao foro de Traxano.

O período da dinastía antonina supón un cambio de rumbo na circulación monetaria na cidade de Lucus Augusti, xa que se aumenta considerablemente a cuñaxe do sestercio, que vén agora a substituir o papel do as de tempos xulio-claudios. O sestercio, unha espesa moeda de latón equivalente a catro ases, constitúe, desde o punto de vista artístico, o tipo máis atractivo de todas as series romanas.