Entalle pertencente a un anel, tallado en “sarda” (cuarzo transparente) identificada coa melea (cor de mel) de Plinio. Represéntase como motivo único a figura dun cabalo que golpea o chan cunha pata dianteira mentres amaga un lixeiro escorzo, en actitude que, ás veces, precede ao rincho. O gravado realizouse a base dun trade de punta redonda para o corpo e un de roda para as patas e a cola.

A representación de cabalos sobre xemas é moi frecuente no mundo romano, xa que o tema de cabalos, tanto ao galope como en actitude de descanso, é habitual; podendo relacionarse con representacións de cabalos de carreira debido a que en moitas ocasións van acompañados da palma dos vencedores.