Anel de prata, de sección plano convexa, fronte plana cun chatón redondo, ombreiros en forma de triángulo en forte declive na súa unión co resto do aro, recortados e con incisións que imitan as follas de acanto. Chatón decorado con silueta de tres peixes gravados, superpostos horizontalmente e orientados, alternativamente, en sentido contrario.

Este tipo de anel ponse de moda no século III d. C. e faise moi popular. Os gravados de peixes en negativo para facilitar o relevo ao aplicalo, suxire que se trata dun anel signatario. O motivo dos peixes, neste caso, pode interpretarse como un símbolo cristián, en relación co misterio eucarístico.