Xerra monoansada de corpo sinuoso, con decoración combinada. Pé realzado, ampla embocadura e bordo engrosado exvasado, escasamente diferenciado. A asa aplicada sobre o bordo, presenta perfil abacelado e sección aplanada sen acanaladura lonxitudinal. Decoración espatulada concentrándose na barriga e banda pigmentada na cara interna do bordo.

Trátase dunha das características xerras de produción lucense amplamente representadas nas diferentes escavacións da cidade así como en boa parte do noroeste peninsular.