Monumento que constitúe a representación xenuina de ara funeraria. Fai referencia á morte, aos 27 anos, de Xulio Rufino Leoncio, extabulario e cidadán asturicense. Altar funerario decorado con frontón e volutas, campo epigráfico moldurado. A consagración aos deuses Manes gravouse por riba do campo epigráfico, na moldura de transición desta cabeceira.

Atopada en 1894 na muralla moi perto da porta do Bispo Aguirre.

D (is) M (anibus) S (acrum) / IVLIO RVFINO / LEONTIO EX TAB (ulario) / CIVI ASTVRICE (n) SI / ANNORVM XXVIII / RVFONIVS RVFI/NVS PATER ET RV/FIA PATERNA MATER / FILIO PIISSIMO.

Consagración aos Deuses Manes. Erixen este epitafio ao seu fillo piadosisimo Xulio Rufino Leoncio, extabulario e cidadán asturicense, morto aos 27 anos, seu pai Rufonio Rufino e súa nai Rufia Paterna.

RODRÍGUEZ COLMENERO, A.: “Lucus Augusti. Capital Administrativa. Vestixios epigráficos e arqueolóxicos”, en AA.VV.: As orixes da cidade de Lugo, Concello de Lugo, 1995, p.37.
GÓMEZ VILA, J.: Epigrafía Romana de la provincia de Lugo, 2009, p. 199.
RODRÍGUEZ COLMENERO, A.: Lvcvs Avgvsti. La ciudad romano-germánica del finisterre ibérico. Génesis y evolución histórica (14 a. C.-711 d. C.), Concello de Lugo, 2011, p. 65.
IRG II, 29
IRLu 28