Fíbula completa do tipo denominado de charnela. O elemento máis característico é o arco, semicircular, bastante elevado, decorado con liñas verticais no dorso. Pé curto rematado nun botón cónico, con cabeza de charnela curta e bipartita con eixo, mediante o cal se une á cabeza do alfinete. Conserva íntegra a agulla, independente, de sección circular.

Este tipo de fíbula con resorte de charnela recibe o seu nome dun dos seus fabricantes máis activos, que marcou as súas pezas co seu nome (Aucissa), amplamente coñecido en todo o Imperio. Todos os autores coinciden en sinalar a súa pertenza ao século I d. C, sendo a tipoloxía romana de fíbulas máis extendida. Por iso é frecuente atopala nos rexistros arqueolóxicos de Lucus Augusti..