Fíbula en bronce, esmaltada, tipo II de Exner. Arco en forma romboidal, resaltado con remates pareados nos vértices, decorado con incrustacións en esmalte de diversas cores, vivos e rechamantes: fondo en amarelo con puntiños negros salpicados, e na parte central, un círculo esmaltado en vermello e botón en branco. Cabeza en forma de charnela e o pé con placa que se dobra formando o apoio para a agulla, a cal non se conserva.

A concentración dos paralelos coñecidos para este grupo oscila entre a zona centroeuropea e o limes oriental, coñecéndose bastantes exemplares asimilables, parecidos e mesmo exactos, en lugares moi distantes.